اعتراف المرأة ...بالحب

[HanOoOd]

مرحبااااااااا للكل .. بما انو هالأيام صايرة الموضى بالمنتدى انو ينحكي عن الحب والزواج ...
فأنا رح أسوق فيا وأطرح هالموضوع يعني اناكنت عم ادور على حل وشفتو بواحد من المنتديات وحابة أعرف آراء الكل بهالموضوع ...

في الكثير من الأحيان تخوننا مشاعرنا وتنهار قوانا امام الشخص الذي ملك قلبنا وعقلنا وحتى روحنا فنرى الطريق أمامنا قد يطول لو أنتظرنا ذاك الشخص حتى يبوح لنا بمشاعره وربما تكون هذه المشاعر فقط مشاعر صداقة وأخوة يحملها هذا الرجل

وفي مجتمعنا الشرقي تبقى الأنثى أنثى والرجل رجل ، وهناك الكثير من الخطوط الحمراء التي علينا ألا نتجاوزها تحت ستار المرأة الشرقية

فما رأيك عزيزي القاريء لو أن صديقة لك أتت إليك يوما والحب قد أضناها والبعد قد كواها والكتمان قد عذبها وباحت لك بحبها الذي خبأته عنك فترة طويلة
هل ستتقبل الموضوع بكل رحابة صدر
أم أنك ستترك وتمشي ام ما هو موقفك


انتظر رأيكم

[الزعيم]

اولا اشكر موضوعك واضمه ضمن قافلة المواضيع المميزة في المنتدى

طيب سوف اتكلم وارجو ان لايزعل احد

بالتأكيد الفتاة ... مخلوق عاطفي و حساس و مرهف المشاعر بشكل عام
و الحب للطرفين ليس جريمه ابداً

و انا رأيي ان لا تبوح لشخص بالحب لاي سبب من الاسباب الا اذا الشاب اعترف لها

كما ان الحب ليس مجرد كلمة بسيطة وسهله يمكن لاشي شخص قال يكون يعنيها بمفهومها الحقيقي ..يمكن ان يكون اعجاب ..

وفي النهاية ارجع واتشكرك جدا

[الملكة]

انا ضد فكرة أعتراف المراة بالحب ابدا ابدا وباختصار .. مع الشكر لك هنود

[HanOoOd]

اولا اشكر موضوعك واضمه ضمن قافلة المواضيع المميزة في المنتدى


طيب سوف اتكلم وارجو ان لايزعل احد

بالتأكيد الفتاة ... مخلوق عاطفي و حساس و مرهف المشاعر بشكل عام
و الحب للطرفين ليس جريمه ابداً

و انا رأيي ان لا تبوح لشخص بالحب لاي سبب من الاسباب الا اذا الشاب اعترف لها

كما ان الحب ليس مجرد كلمة بسيطة وسهله يمكن لاشي شخص قال يكون يعنيها بمفهومها الحقيقي ..يمكن ان يكون اعجاب ..


وفي النهاية ارجع واتشكرك جدا



هلااااااااا بالزعيم ...((هلأ مدري ليش كل ما بشوف اسمك بتذكرر الزعيم بباب الحارة وبتخيل شكلك متلو ))

المهم منرجع ..
وانا معك بأنو البنت ما تعترف للشب ..بأي مشاعر ..وحتى لو صار علاقة حب بينون ...
ما تعترف بسهولة يعني تضل هيك حتى تطالع روحو وتعترفلو ..بنصح كل بنت تعمل هيك ....

منور زعيم ...

[HanOoOd]

انا ضد فكرة أعتراف المراة بالحب ابدا ابدا وباختصار .. مع الشكر لك هنود





هلاااااااا غاليتي انت ....:)
وانا ضد
بس بتعرفي حابة شوف وجهة نظر مغايرة ووشوف حدا يكون مع **,, وحابة اعرف المبرارات ؟؟؟

[قلب الأسد]

اشكر موضوعك الحلو هنود وانا مع كلام الملكة

[Rama]

انا اليوم ضد كلام الجميع من بعد اذنكم طبعا

أختي المشرفة ربما هناك الكثير و الكثير من سوف يقولون انه يجب ان لا تعترف المرآة بالحب

ولكن للمرآة اساليب انتي تعرفيها انهها ممكن ان تلمح للشريك الثاني بطريقة واضحة دون ان تكسر كرماتها او تنقص من قدرها

وانما يمكن تكبر بعين حبيبا إذا كان هو فعلا صادق رح يعتبر بادرة من امرآة قوية عاقلة مدرك للمشاعر و الاحاسيس

وعلى الاغلب سوف تكون بداية للحب المتبادل .. ارجو ان لا اكون طولت بالرد وانا مابحب الرد الطويل .. مشكورة أختي المشرفة

[HanOoOd]

انا اليوم ضد كلام الجميع من بعد اذنكم طبعا



أختي المشرفة ربما هناك الكثير و الكثير من سوف يقولون انه يجب ان لا تعترف المرآة بالحب

ولكن للمرآة اساليب انتي تعرفيها انهها ممكن ان تلمح للشريك الثاني بطريقة واضحة دون ان تكسر كرماتها او تنقص من قدرها

وانما يمكن تكبر بعين حبيبا إذا كان هو فعلا صادق رح يعتبر بادرة من امرآة قوية عاقلة مدرك للمشاعر و الاحاسيس


وعلى الاغلب سوف تكون بداية للحب المتبادل .. ارجو ان لا اكون طولت بالرد وانا مابحب الرد الطويل .. مشكورة أختي المشرفة



لألأ شو طولتي ...
بالعكس نورتي ..اي انا كمان مع طريقة التلميح ..لا التصريح ..واذا صار تجاوب كان استمرار للعلاقة ..
أما اذا صار تجاهل ..فلا تفكر البنت انو تخطي خطوة التصريح ...لأنو بالنهاية هو رجل شرقي ...ما تنسى ..

[حسن الحسن]

لا تعليق على الموضوع

[@الأستاذ عمار@]

والله مابعرف اذا بيعجك رئي ياهنود
بس أنا بنظرني أنو الموضوع بختلف من شخص لاخر
يعني هناك معيار شخصي بكل علاقة وبترجع بالنهاية لكل حبيبين
وأنا برئي مع أنو تعترف للرجل لاني متل ماهي بتكون فرحانة باعترافو
هو كمان بيكون فرحان
وبالنهاية بتشكرك ع الطرح والحوار الحلو
ودمتي بحب وود
لانو مافي اجمل من الحب صدقيني
وبقلك المتل سأل مجرب ولاتسال حكيم
وبرجع بقلك المعيار شخصي
وشكراً...........

[سليمان حافظ]

مشكورة هنود على الموضوع الحلو

انا مع كلام الاخ عمار

يختلف الموضوع من شخص لاخر

ممكن يكون هذا الاعتراف سبب بتغيير حياة شخصين

وانا اتوقع بادرة حلوة من الفتاة و اكيد لو انو الشب اخذ الموضوع بسخرية يلعن هيك حب من اساسو

مشكورة

[HanOoOd]

الاخ عمار وسليمان ...بالبداية اسعدني جدا مروركون .....على هالموضوع ...
اي اي رأيكون موحد لأنو على ما يبدو رفقة انتو ....

أخي عمار يعني وما أحلاه آدام ما يفرح أنو حواء تعترفلو بحبو...بس انا على ثقة من كلامي ..انا هداك الوقت رح يصيرلآدم نزعة من الغرور... .....


فغاليتي حواء انا بنصحك ...وبزمانو كانت النصيحة بجمل

حذار من اعترافك المباشر للآدم بحبك الو ....شو ما كنت قوة محبتك تجاهو

[وارث الأفق]

أختي وصديقتي هنود : من الذي أخبرك أن الشاب دائماً يفرح باعتراف تاة له بالحب ؟؟؟
أولاً شكراً على الموضوع
وثانياً أنا مع إخواني عمار و سليمان , ونحن الثلاثة أصدقاء في المنتدى و إخوان في الدين .
و ثالثاً
لا يفرح الشاب دائماً باعتراف الفتاة له بالحب ( لا أحب استخدام مصطلح آدم )
أنا مررت بهذا الموقف ثلاث مرات , وليس واحدة
أعتقد أن ما علق هاتي الفتيات بي هو و جهي الوسيم ,و سأخبرك عن الأخيرة
أنا لا فرق لدي بين ذكر و أنثى إلا فيما خرج عن الدين
و لا أعتبر الأنثى ( آسف للتعبير ) سلعة كما يعتبرها غيري
اعترفت لي الفتاة بحب كانت تكتمه منذ سنتين
و قد كانت غارقة في محيط من الأحلام
لم أحب أن أجرحها , ولحسن الحظ , معلوماتي جيدة في علم النفس
في البداية لم أوح لها بشيئ
تركتها لا في ظلمة ولا في نور
و بعد فترة , و بصراحة عن طريق الموبايل , استطعت أن أجعلها تنساني شيئاً فشيئاً
بطرقي النفسية , بحيث لم أسبب لها أي ألم , وحتى اليوم لا تزال تناديني بأخي
و قد نسيتني بدون أن تحس حتى بأني جعلتها تنساني , ولكن كان الأمر غاية في الصعوبة
و استغرق و قتاً طويلاً , و كل ذلك لألا أجرح أحاسيسها , فكما يحق الحب لي يحق لها
و كذا بدون أية مشاكل وبدون أن أخبرها كما يقال ( من الباب للطاقة )
و رابعاً
أسئلتك مربكة و محرجة للغاية , و في بعض الأحيان أرغب بالرد على مواضيعك ولا أستطيع
لأني لا أعرف بم أجيب
و أخيراً تقبلي مرور أخيك وصديقك


الساعي إلى الأفق , الزائر الذي لن يصل أبداً

[قلب الأسد]

مممممممممم

مشكورة هنود على هذا الموضوع



لكن لا تعليق

[الملكة]

يعني اول مرحبا ومشكورة على هالموضوع احلى هنود

وثانيا شايف في اختلاف في الاراء وانا مو انو مع او ضد الاعتراف

انا مابحب انحط بهيك موقف بس إذا بدكم جوابي انا بحب لغة التلميح لا لغة التصريح

وثالثا مشكورة مرة ثانية على هذا النقاش الحلو اي والله اشتئنا لنقاشاتك المعتادة ولا ماعاد في


الملكة

[ملكة سوريا]

انا ضدد الاعتراف بالحب حتى يكون في ثقة بطرف الاخر انا جربت 3 مرات حب وهلاء 4 ب3 مرات حب انجرحت انا حساسة جدا وبنجرح بسهولة لكن بحب بصعوبة ولما احب مابقبل اتخلى عن بحبو

ومابعترف بحبي لحتى اتاكد ان طرف الثاني بحبني وبهداك الوقت بعترف

[الملكة]

انا ضدد الاعتراف بالحب حتى يكون في ثقة بطرف الاخر انا جربت 3 مرات حب وهلاء 4 ب3 مرات حب انجرحت انا حساسة جدا وبنجرح بسهولة لكن بحب بصعوبة ولما احب مابقبل اتخلى عن بحبو

ومابعترف بحبي لحتى اتاكد ان طرف الثاني بحبني وبهداك الوقت بعترف

يعني انا فهمت ردك وما فهمتو يعني بالاول انك ضد فكرة الاعتراف بالحب وبعد قلتي حتى يكون في ثقة في الطرف الاخر وكمان باخر سطر انك رح تعترفي لما الطرف الثاني بيحبك صحيح

هل من الممكن ان اعترف بحبي لشخص إذا لم اكن اثق فيه اكثر من نفسي

الموضوع هون انا هيك بشوف انو قصدا هنود فيو انو اعتراف البنت بالاول دون اعتراف الشاب بالبداية

تحيايتي الك واسفة على الاطالة

[STAR]

انا مع اعتراف المرآة في الحب