الشامية أيام زمان

[مازن]

كانت الشامية أيام زمان

http://www7.0zz0.com/2010/09/28/05/703361764.jpg

كانت تحب تدلل (( ابن عمها ))



لدرجة انو كانت تئوم

ع أدان الفجر مشان تفيئو

شنو ما بيصير يتأخر ع رجال الحارة

مشان يروحو يصلو الصبح حاضر

بجامع الحارة


http://www7.0zz0.com/2010/09/28/05/511590544.jpg


بتجي وبتئلو بصوت ناعم

ابن عمي تاج راسي ئوم تئبرني

أدن الصبح

وبعدين بتسكت ومابتكتر حكي لأنو الأفندي

ما بيحب النئ



ولبين ما يفيئ ويتحطى ويمتطى

كانت تركد تسبئو ع البحرة

http://www7.0zz0.com/2010/09/28/05/329219552.jpg


تعبي إبريق الفضة مي

وتشكل البشكير ع كتفها

و تسكبلو المي ليتوضى

http://www7.0zz0.com/2010/09/28/05/792129797.png

و تناولو البشكير لينشف

وهي عم تناغشو بمناغشة زغيرة وتئلو



ريتو حبي من حسو ما يحرمني
وبنص ألبو آعدة ومتربعة يجعلني
ربي يطول عمروه وياخد مني
ويكتبلو بخطواتو السلامة لما بيبعد عني


وبعدها كانت تركض وتئرئع بالئبئآب

http://www7.0zz0.com/2010/09/28/05/536968146.jpg



مشان تلحئ تلبس ابن عمها عبايتو

وترشلو رشة مسك ئبل ما يتيسر

وبترافئو لباب الزقاق

بيئوم بينتتر فيها هديك النترة وبيئلها

لك فوتي انضبي جوة بلا ما حدا يلمحك

أو يسمع صوتك



بتئوم هية بتتكركب وبتحمر وبتصفر وبتئلو

يبعتلي حمى حاضر ابن عمي

بس انت ماتزعل


بتودعو وبتبسلو ايدو


وبتركرج كرج

مشان تلحئ تصلي فرضها

:blush-anim-cl:

[سحــــر الشــّــرق]

حلووووة القصة خيي يا ربت تعملها مسلسل متل ايام زمان وتمتعنا بالقراءة

تحياتي الك

[light divel]

والله القصة حلوة
عجبتني ومخمخت معي ياريت النسوان هلق متل زمان
لووووووووووووول
:evil_lol:

[غِنَـآ ~]

حبيتــآ


:shiny:

[مووووج]

http://www7.0zz0.com/2010/09/28/05/536968146.jpg


يا ربت تعملها مسلسل متل ايام زمان وتمتعنا بالقراءة

اي والله استاذ مازن ايمي معاها حق
قصة كثير حلوة وبيصارتتكمل يوميات شامية بيصار موضوع مميز يستحق ا الوقوف والتقيم
دمت بخير وسعادة وعطاء
تقبل مرورى
واجمل امنياتي

[هـــ الله ــبة]

ايييه الله يرحم هديك الايام
شكرا أخي مازن